प्रधानमन्त्री केपी शर्मा ओलीको विशेष अर्थिक सल्लाहकारमा मोतिलाल दुगड नियुक्त भएका छन् । पछिल्लो पटक मन्त्रिपरिषद् विस्तार हुँदा उद्योग राज्यमन्त्रीबाट हटाईएका दुगडलाई मन्त्रिपरिषद् बैठकले प्रधानमन्त्रीको विशेष आर्थिक सल्लाहकारमा नियुक्त गरेको हो ।
सरकारको विशेष आर्थिक सल्लाहकारको रुपमा दुगडले मन्त्री सोसरहको सुविधा पाउने छन् ।
यसअघि डा. युवराज खतिवडालाई प्रधानमन्त्रीले आफ्नो विशेष आर्थिक सल्लाहकार बनाएका थिए । खतिवडा अमेरिकाको राजदूत बनेपछि उनको ठाउँमा दुगडलाई ल्याईएको हो ।
