नेपाल–चीन सीमा क्षेत्रमा पर्ने मितेरी पुल मर्मतका लागि बन्द भएको तातोपानी नाका बीस दिनपछि खुला भएको छ । गत माघ ८ गतेबाट बन्द भएको नाका मंगलबारबाट सञ्चालनमा आएको हो ।
बन्द भएको नाका खुला भएपछि दुईदेशीय व्यापार पुनः सुरु भएको तातोपानी भन्सार कार्यालयले जनाएको छ । भन्सार प्रमुख लालबहादुर खत्रीका अनुसार चिनीयाँ पक्षले तोकेकै समयमा पुल मर्मतको काम सकेपछि नाका खुला भएको हो । नाका खुलेकै दिन चीनबाट ६ वटा कन्टेनरमा सामग्री नेपाल आउने क्रममा रहेको उनी बताउँछन् ।
लामो समयसम्म बन्द रहेको नाका पछिल्लो समय गत कात्तिक १३ गतेबाट पुनःसञ्चालनमा आएको हो । नाका पूर्ण रुपमा सञ्चालनमा आएपनि चिनियाँ पक्षको अबरोधका कारण न्यून मात्रामा तातोपानी नाकाबाट सामग्रीहरु भित्रने गरेको व्यवसायीहरुले गुनासो गर्दै आएका छन् ।
