अर्थ मन्त्रालयले आर्थिक वर्ष ७७/७८ को आयकरको दोस्रो किस्ता वापतक कर रकम दाखिला गर्न आग्रह गरेको छ । आन्तरिक राजश्व विभागले आर्थिक वर्ष ७७/७८ को आयकरको दोस्रो किस्ता वापत अनुमानित करको ७० प्रतिशत रकम मध्ये तिर्न बाँकि रकम चैत्र मसान्त भित्रै तिर्न आग्रह गरेको हो ।
विभागले यस अघि पेश गरिएको अनुमानित आय विवरणमा संशोधन गर्नु पर्ने भएमा सो समेत चैत्र मसान्त भित्रै दाखिला गर्न आग्रह गरेको छ । आयकर ऐन २०५८ को दफा ९४ को उपदफा १ मा भएको ब्यबस्था अनुसार विभागले कर रकम दाखिला गर्न आग्रह गरेको हो ।
विभागले सम्बन्धित ठूला करदाता कार्यालय, मध्यम स्तरीय करदाता कार्यालय, आन्तरिक राजश्व कार्यालय तथा करदाता सेवा कार्यालयमा कर रकम दाखिला गर्न आग्रह गरेको हो ।
