भारतले ६ महिनाका लागि पाम आयालको आयात खोलेको छ । १ वर्षदेखि पाम तेलको आयात रोकेको भारतले ६ महिनाका लागि आयात खोलेको हो ।
भ्यालु एड कम भएको भन्दै नेपालबाट पाम तेलको आयात रोकेको भारतले आगामी डिसेम्बर ४ सम्मका लागि भने खुला गरेको हो । भारतको डाइरेक्टरेट जनरल अफ फरेन ट्रेडले एक सूचना जारी गर्दै पाम तेलको आयात खुला गरेको हो ।
भारतले गत वर्ष असारबाट पाम तेलको आयात रोक्दा नेपालबाट हुने बार्षिक २५ अर्बभन्दा बढीको निर्यात प्रभावित भएको थियो ।
नेपालका व्यवसायीहरुले भने आफूहरुसँग हाल स्टकको रुपमा पाम आयाल नरहेको बताएका छन् । मिति नै तोकेर सिमित अवधिको मात्रै भारतले आयात खोलेकाले यसमा लगानी गर्ने मनशायमा उद्योगी व्यवसायीहरु नरहेको पूर्वका व्यवसायीहरु बताउँछन् ।