आर्थिक वर्ष २०७७÷०७८ मा आयात घटेर निर्यात बढ्दा व्यापार केही कम भएको भनिएपनि मसिना मसिना सामानको आयात ह्वात्तै बढेको छ । क्रिम, काईयो, दात कोट्याउने सिन्का, दात माझ्ने मञ्जन, ब्रस लगायतका बस्तुको आयातमा विदेशीएको नेपाली पैसा अर्बौ छ ।
यति मात्रै होइन, कपडामा लगाउने टाँक मात्रै २ करोड बढीको आयात भएको छ । उद्योग, वाणिज्य तथा आपुर्ति मन्त्रालय अन्तर्गतको ‘नेपाल व्यापार सूचना पोर्टल’ का अनुसार साबुन त झन अर्ब बढीको आयात भएको छ ।
२०७७ साउन १ देखि २०७८ असार ३१ सम्मको तथ्यांक तयार भईनसकेको भएपनि मोटामोटी हिसाब सकिएको पोर्टलले जनाएको छ । जस अनुसार सुन्दा समान्य लाग्ने बस्तुको आयात गर्दा नेपालबाट बाहिरिएको मुद्राको तथ्यांक यसप्रकार छः
१) कपाल रंग्याउने (हेयर डे): ४५ करोड १० लाख
२) अनुहारमा लगाउने क्रिमः ७९ करोड ४३ लाख
३) स्याम्पूः १ अर्ब १९ करोड १४ लाख
४) कपाल कोर्ने काईयोः १४ करोड ६१ लाख
५) टाँकः २ करोड २९ लाख
६) दात कोट्याउने सिन्काः १ करोड ५७ लाख २९ हजार
७) दाँत माझ्ने ब्रसः ३१ करोड बढी
८) दाँत माझ्ने मञ्जनः ६९ करोड २३ लाख
९) साबुनः १ अर्ब ९६ लाख
१०) भुसुना मार्ने इलेक्ट्रिक मेशिन (सानो): २८ करोड
११) चुईगमः १ अर्ब १९ करोड
१२) तासः २८ करोड ६२ लाख
१३) सिन्के धूपः ५२ करोड
१४) बच्चाको डाईपरः १ अर्ब ५३ करोड
यो असार ३१ सम्मको ‘फाइनल’ तथ्यांक नभएपनि भन्सार विभागको तथ्यांकमा आधारित रहेर नेपाल व्यापार सूचना पोर्टलले मोटामोटी हिसाबका आधारमा तयार पारेको तथ्यांक हो । भन्सार विभागले पनि २०७८ जेठसम्मको तथ्यांक तयारी अवस्थामा रहेको र असार सम्मको तथ्यांक केही दिनभित्रै तयार हुने जनाएको छ ।
