निक्षेप तथा कर्जा सुरक्षण कोषको प्रमुख कार्यकारी अधिकृत (सीईओ)मा रमेश घिमिरे नियुक्त भएका छन् । सोमबार बसेको मन्त्रिपरिषदको बैठकले घिमिरेलाई सीईओमा ४ वर्षको लागि नियुक्त गर्ने निर्णय गरेको हो ।
कोषको सीईओको लागि रमेश घिमिरे , कविराज अधिकारी र रमेश दाहाल सिफारिस भएकोमा सरकारले घिमिरेलाई सीइओ नियुक्त गरेको हो। राजस्व सचिव कृष्णहरी पुस्करको संयोजकत्वमा गठित सीईओ छनोट तथा सिफारिस समितिले सीइओको लागि नाम सिफारिस गरेको थियो ।
यसअघिका प्रमुख कार्यकारी अधिकृत विष्णुबाबु मिश्रको कार्यकाल सकिएपछि कोषमा सीइओ पद रिक्त थियो ।
