.gif)
चालु आर्थिक वर्षको ६ महिनाको अवधिमा नेपालले ७ खर्ब ९२ अर्बको सामान आयात गरेको छ । भन्सार विभागको तथ्यांक अनुसार साउनदेखि पुससम्मको अवधिमा नेपालले ७ खर्ब ९२ अर्ब ६६ करोड बराबरको सामान आयात गरेको हो।
अघिल्लो आर्थिक वर्षको यहि अवधिको तुलनामा आयात २०.६८ प्रतिशतले कम हो। अधिल्लो आर्थिक वर्षको पहिलो ६ महिनामा नेपालले ९ खर्ब ९९ अर्ब बराबरको सामान आयात गरेको थियो ।
त्यस्तै चालु आर्थिक वर्षको ६ महिनामा नेपालले ८० अर्ब बराबरको सामान निर्यात गरेको छ । अघिल्लो आर्थिक वर्षको यहि अवधिको तुलनामा निर्यात ३२.०१ प्रतिशतले कम हो । अधिल्लो आर्थिक वर्षको पहिलो ६ महिनामा नेपालले १ खर्ब १८ अर्ब बराबरको सामान निर्यात गरेको थियो ।
चालु आर्थिक वर्षको ६ महिनामा नेपालको ब्यापार घाटा ७ खर्ब ११ अर्ब रहेको छ । अघिल्लो आर्थिक वर्षको यहि अवधिको तुलनामा नेपालको ब्यापार घाटा १९.१५ प्रतिशतले कम हो । अधिल्लो आर्थिक वर्षको पहिलो ६ महिनामा नेपालको ब्यापार घाटा ८ खर्ब ८० अर्ब थियो।
६ महिनाको अवधिमा नेपालले डिजेल मात्र ७० अर्ब बराबरको आयात गरेको छ । त्यस्तै ३३ अर्ब ५३ करोडको पेट्रोल, २८ अर्ब २० करोडको खाना पकाउने ग्यास आयात गरेको छ ।
यस अवधिमा नेपालले ८ अर्ब ८ करोडको सोयाबिन तेल निर्यात गरेको छ।
