प्रदेश नं. ३ सरकारले प्रादेशिक विश्वविद्यालय गठन गर्ने निर्णय गरेको छ । प्रदेशको सोमबार बसेको मन्त्रिपरिषद् बैठकले प्रादेशिक विश्वविद्यालय गठन गर्ने र विश्वविद्यालय गठनका लागि सामाजिक विकास मन्त्रालयले अध्ययन कार्यदल गठन गर्ने निर्णय गरेको हो ।
बैठकले आन्तरिक मामिला तथा कानून मन्त्रालयले पेश गरेको शान्ति पार्क छनोट गरी निर्माण गर्न स्थान छनोट गर्ने, प्रदेशसभाका पदाधिकारी तथा सदस्यको पारिश्रमिक सुविधासम्बन्धी ऐन, २०७५ को अनुसूची १ र २ तथा ऐनको संशोधन गर्न बनेको विधेयक स्वीकृत गरेको छ ।
भूमि व्यवस्था, कृषि तथा सहकारी मन्त्रालयले पेश गरेको सहकारीमा आधारित सामूहिक खेती योजना सञ्चालन गर्ने निर्णय गरेको आर्थिक मामिला तथा योजनामन्त्री कैलाश ढुङ्गेलले जानकारी दिए ।
.gif)
.gif)
