.gif)
सरकारले कक्षा ११ को बोर्ड परीक्षा नलिने निर्णय गरेको छ । पाठ्यक्रम विकास तथा मूल्यांकन परिषदको बैठकले कक्षा ११ को बोर्ड परीक्षा नलिने र आन्तरिक मूल्यांकनबाटै सर्टिफिकेट दिने निर्णय गरेको हो ।
शिक्षा मन्त्री गिरिराजमणि पोखरेलको अध्यक्षतामा बसेको बैठकले कोरोना महामारीले परीक्षा सम्भव नभएकोले आन्तरिक मूल्यांकन प्रणाली अपनाउने निर्णय गरेको हो । एसईईकै जस्तो गरी विद्यार्थीको आन्तरिक मूल्यांकनबाट परीक्षाफल प्रकाशित गर्ने निर्णय बैठकले गरेको हो ।
कक्षा ११ को परीक्षा वैशाख २१ गतेदेखि गर्ने तय भए पनि कोरोना महामारीले स्थगित गरिएको थियो।
