नेपाल खुला विश्वविद्यालयको रजिष्ट्रार (कुल सचिव)मा डा.गोबिन्द सिंह विष्ट नियुक्त भएका छन् । रजिष्ट्रार विष्टले आजबाट नै विश्वविद्यालयमा हाजिर गरेका छन् ।
डा. विष्ट यस अघि सुदुरपश्चिम विश्वविद्यालयमा रजिष्ट्रार थिए । उनी सुदुरपश्चिम विश्वविद्यालयमा शिक्षा शास्त्र संस्कायका डिन पनि थिए । डा. विष्ट कञ्चनपुर निवासी हुन्।
यस अघिका रजिस्ट्रार कमल ढकालको ४ वर्षे कार्यकाल सकिएपछि विश्वविद्यालयमा रजिस्ट्रार पद रिक्त थियो। विश्वविद्यालयमा अझै पनि उपकुलपतिको पद रिक्त छ । विश्वविद्यालयको कुलपति शिक्षा मन्त्री हुने ब्यबस्था छ ।
