राष्ट्रिय परीक्षा बोर्डले २०७८ सालको माध्यमिक शिक्षा परीक्षा (एसईई) आगामी वैशाखमा सञ्चालन गर्ने निर्णय गरेको छ । बोर्डले कक्षा १२ को परीक्षा भने आगामी जेठमा सञ्चालन गर्ने भएको छ ।
शनिबार बसेको बोर्डको बैठकले एसईई वैशाखमा र कक्षा १२ को अन्तिम परीक्षा जेठमा गर्ने निर्णय गरेको हो ।
बोर्डका अध्यक्ष डा. महाश्रम शर्माले यहीँ हप्ता परीक्षाको तालिका सार्वजनिक गरिने जानकारी दिएका छन् ।