विदेशी सम्बन्धन प्राप्त 'अवैध' कलेजमाथि प्रश्न उठाउने उपसचिवको स्थानीय तहमा सरुवा

बिजपाटी संवाददाता

बिजपाटी संवाददाता

Aug 05, 2022 | 03:28:41 PM मा प्रकाशित

ntc

विदेशी विश्वविद्यालयहरूबाट सम्बन्धन प्राप्त कलेजहरूको कडाइका साथ नियमन गर्नुपर्छ भनेर आवाज उठाउने शिक्षा मन्त्रालयका उपसचिव नारायणप्रसाद पोखरेललाई जबर्जस्ती प्रमुख प्रशासकीय अधिकृत बनाएर स्थानीय तहमा सरुवा गरिएको छ ।

पोखरेललाई गत साउन १३ गते लुम्बिनी प्रदेशको भूमिकास्थान नगरपालिकाको प्रमुख प्रशासकीय अधिकृत बनाएर पठाइएको हो । उनी शिक्षा मन्त्रालयको उच्च शिक्षा महाशाखामा उपसचिव पदमा कार्यरत थिए । 

स्रोतका अनुसार थापाथलीस्थित द ब्रिटिश कलेजले बेलायतको लीड्स ब्याकेट र वेस्ट इंग्ल्याण्ड विश्वविद्यालयमै नभएका दर्जन भन्दा बढी कार्यक्रम मन्त्रालयबाट जबर्जस्ती सदर गराउन खोजेको र पोखरेल बाधक देखिएपछि मन्त्री देवेन्द्र पौडेलमार्फत उनलाई सरुवा गरिएको हो ।

विदेशी सम्बन्धन प्राप्त कलेजहरूको कलेज स्विचिङ, कार्यक्रम थपघट र नवीकरणका लागि गतसाल बनेको चार सदस्यीय अनुगमन उपसमितिले शिक्षा मन्त्रालयलाई स्विचिङ र कार्यक्रम थपघटको सिफारिससहित प्रतिवेदन पेश गरिसकेको छ । समितिले पेश गरेको उक्त सिफारिस प्रतिवेदन निर्देशिकासम्मत नरहेको र कार्यान्वयन गर्न नसकिने पोखरेलले बताउँदै आएका थिए ।

'निर्देशिकामा उल्लेखित मापदण्डविपरित समितिले कलेज स्विचिङ र कार्यक्रम थपघटका सिफारिस गरेको छ,' मन्त्रालय स्रोतले बिजपाटीलाई भन्यो, 'मोटो रकम खर्च गरेर कलेजले आफूखुसी स्विचिङ र कार्यक्रम थप गर्न लगाएको गाइगुइ मन्त्रालयमा चल्न थालेको छ ।'

मन्त्रालय स्रोतका अनुसार ब्रिटिशलगायत अन्य कलेजहरूले कार्यक्रम थपका लागि मोटो रकम शिक्षामन्त्री पौडेल र समितिका संयोजक डा. रामकृष्ण तिवारीलाई बुझाएका छन् । यसबारे मन्त्रालयका कर्मचारीहरू औपचारिक रूपमा केही बोल्न मान्दैनन् । त्यही रकमको प्रभावले मन्त्रालयका अन्य कर्मचारी पनि सरुवा हुन सक्ने भय मन्त्रालयमा व्याप्त छ ।  

तर तिवारीले भने सबैकुरा प्रकृयासंगत नै रहेको दाबी गरेका छन् । उनले बिजपाटीसँग भने, 'अनुगमन अझै सकिएको छैन । कतिपय कुराहरू व्यवस्थित गर्नुपर्ने छ, हामीले त्यसको सिफारिस गर्नुपर्ने छ । आर्थिक प्रलोभन भन्ने कुरा हल्ला मात्र हो ।'

सरुवाबारे पोखरेलले केही टिप्पणी नगर्ने जनाए । 'यो संघीय मामिला तथा सामान्य प्रशासन मन्त्रालयको नियमित सरुवा हो । यसलाई अन्य विषयसँग जोड्नु ठीक हुँदैन,' पोखरेलले भने ।  

 बिजपाटीले यस सम्बन्धमा लेखेका समाचारहरु पढ्नुहोस्ः

नेपालको शिक्षालाई दोष दिएर 'कमाउ धन्दा'मा लागेका ब्रिटिश कलेजहरूलाई कतिन्जेल सही मानिरहने ?

विद्यार्थीलाई प्रयोग गरेर जबरजस्ती गैरकानूनी 'धन्दा' चलाउँछ ब्रिटिश कलेज

ब्रिटिश कलेज : शक्तिका आडमा दुई नम्बरी धन्दा, बेलायत घुम्न पाएपछि शिक्षामन्त्री दङ्ग !

ब्रिटिश कलेजको ठगीकाण्ड : ३ वर्षे कोर्षलाई अवैध रूपमा ४ वर्षे बनाएर विद्यार्थीसँग पैसा असूल !

-सम्पादकीयः विदेशी सम्बन्धनका नाममा चलेका ‘छाडा’ शिक्षण संस्था सुधार्न तत्काल पहलकदमी आवश्यक

-विदेशी सम्बन्धनवाला कलेजले निम्त्याएको ‘हरिबिजोग’, नेपाली विद्यार्थीको भविष्य उच्च जोखिममा

-किन सुनुवाई भएन विदेशी सम्बन्धन लिएका ‘अवैध’ कलेजमाथि कारबाहीको सिफारिस ?

-विदेशी सम्बन्धन प्राप्त ‘अवैध’ कलेज चोख्याउन शिक्षा मन्त्रालयको ‘नयाँ कर्तुत’

-विदेशी सम्बन्धन प्राप्त कलेजको अवैध धन्दा: पैसा बाहिर पठाउने, हुण्डीबाट आफैं ल्याउने खाने

-मन्त्रीलाई ‘शुभलाभ’ हुने गरी यसरी फेरिन्छ विदेशी सम्बन्धन प्राप्त कलेजका मापदण्ड

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved