पोखराको मणिपाल एजुकेशन एण्ड मेडिकल ग्रुप (नेपाल) को शेयर स्वामित्व किनबेच भएको छ । उक्त कम्पनीको सम्पूर्ण शेयर भारतीयको नाममा रहेकोमा भारतीय समुहले सम्पूर्ण शेयार बिक्रि गरेर बाहिरिएको हो ।
कम्पनीको सर्वाधिक शेयर मणिपाल एजुकेशन (मोरिसस) प्रालिसंग रहेको थियो । मणिपाल एजुकेशन (मोरिसस) प्रालिसंग भएको ५२ लाख २६ हजार ८ सय कित्ता शेयर र अन्य ४ जना लगानीकर्तासँग भएको १२ सय कित्ता शेयर गरि कुल ५२ लाख २८ हजार कित्ता शेयर बिक्रि भएको हो । सबै शेयर नेपालको बापो होल्डिङ प्रालिले खरीद गरेको छ। यो कम्पनी ब्यवसायी आनन्द बतासको कम्पनी हो।
यस संगै सन् १९९४ मा पोखरामा स्थापना भएको मणिपाल कलेज अफ मेडिकल साइन्स र मणिपाल शिक्षण अस्पताल नेपाली लगानीकर्ताको हातमा आएको छ।