स्थानीय निर्वाचनको जारी मतगणनामा पोखरामा अनपेक्षित परिणाम
देखिएको छ । गठबन्धन मिल्दा पनि एमालेका मतदाताहरू धेरै मानिएको पोखरामा कलम चिह्न
भएका नेकपा एकीकृत समाजवादीका उम्मेदवार धनराज आचार्यले अग्रता कायम गरिरहेका छन् ।
यसको कारण हो, एमाले दुई गुटमा विभाजित हुनु । सोमवार
सार्वजनिक भएको एक अडियो सामग्रीले त्यसलाई छताछुल्ल पारेको छ ।
पोखरामा एमालेका मेयर उम्मेदवार कृष्णबहादुर थापालाई एमालेबाट
नै अन्तर्घात गरिएको अडियोमा बताइएको छ । थापा खगराज अधिकारी गुटका हुन् । शुरूमा गुरुङ
गुटका एमालेबाट दीपक पौडेलले टिकट पाउने निर्णय भएको थियो तर त्यसको भोलिपल्टै
अधिकारी गुटका थापालाई टिकट दिइयो ।
यही रिसले गुरुङलगायत पद्मा अर्यालसमेत थापालाई मेयरमा बिजयी हुन नदिन षड्यन्त्र भएको अडियोमा बताइएको छ । अडियोमा एमालेका राजीव पहारीको सचिवालयबाट एकीकृत समाजवादीका आचार्यलाई भोट मागिएको छ ।