नेकपा एमालेका अध्यक्ष केपी शर्मा
ओलीले राष्ट्रिय स्वतन्त्र पार्टीको उदयलाई सामान्य र मामूली भनी टिप्पणी गरेका
छन् ।
झापा ५ बाट निर्वाचित ओलीले भद्रपुर
विमानस्थलमा सञ्चारकर्मीसँग बोल्दै स्वतन्त्र पार्टी मिडियाको कृपाले उदाएको भन्दै
यसलाई ठूलो रूपमा नलिन आग्रह गरेका हुन् ।
उनले भने, 'मिडियाको कृपाले उदाएको
स्वतन्त्र पार्टीको बारेमा ठूलो चिन्ता लिइरहनु पर्दैन, यो मामूली कुरा हो ।'
गत असारमा मात्र स्थापित भएको
राष्ट्रिय स्वतन्त्र पार्टीले हालसम्म ५ निर्वाचन क्षेत्रमा जित हासिल गरिसकेको छ
भने थप २ मा अग्रता लिएको छ ।
समानुपातिक मत पनि राम्रै प्राप्त
गरेको रास्वपा अब बन्ने सत्ता गठबन्धनमा निर्णायक हुने बिन्दुमा पुगेको छ ।
रास्वपाको उदयलाई लिएर राजनीतिक
वृत्त तातिएको छ । विभिन्न ठाउँबाट विभिन्न प्रतिकृयाहरू आइरहेका छन् ।