जनता प्रगतिशील पार्टीका अध्यक्ष
हृदेश त्रिपाठीले अहिलेको निर्वाचन नतिजाले देश अस्थिरतातर्फ धकेल्ने बताएका छन । निर्वाचनबाट नतिजाले देशको राजनीति अस्थिरतातर्फ धकेल्नले
सङ्केत देखिएको त्रिपाठी उनको भनाइ छ ।
जनता प्रगतिशील पार्टी नवलपरासीले
परासीमा आयोजना गरेको पत्रकार सम्मेलनमा त्रिपाठीले यस्तो बताएका हुन । प्रतिनिधि
सभा तथा प्रदेश सभा निर्वाचनमा डलर अर्वपति बिनोद चौधरीसँग पराजित यो निर्वाचन
साधारण नभएको र देशको अर्बपति र देशको राजनीतिक दलहरूबीच भएको बताए ।
उनले भने, 'मेरो क्षेत्रमा लक्ष्मी र सरस्वतीकोबीच लडाई थियो र
उक्त लडाइँमा लक्ष्मी हाबी भयो,' निर्वाचन क्षेत्र १ मा जुन प्रवृत्ति प्रवेश
गरेको छ त्यसले समग्र देशमा राजनीतिक पनि बिचौलियको प्रवेश भएको छ ।' उनले
निर्वाचनमा हारजित स्वाभाविक भएको तर आफू निर्वाचनमा पराजित भएपनि आफ्नो राजनीति
पराजित नभएको बताए ।
उनले एमालेको एउटा पंक्ति नै विनोद
चौधरीलाई जिताउन लागेको भन्दै आक्रोश व्यक्त गरे । 'निर्वाचनमा एमालेको नेतृत्व
पङ्क्तिले नै बिनोद चौधरीलाई जिताउन सघायो र त्यो मेरो लागि दुर्भाग्य हो,' उनले
भने । उनले संविधानमाथि प्रहार हुने बेलामा आफू चुप लागेर नबस्ने र जनताले प्राप्त
गरेको उपलब्धि र संविधान रक्षाका लागि सधैँभरि लडाई जारी रहिरहने पनि बताए ।