समानुपातिक मत कुन दलले कति पाए

मंसिर ४ गते भएको प्रतिनिधिसभा र प्रदेशसभा सदस्य निर्वाचनको प्रत्यक्ष र समानुपातिकतर्फको मतगणना लगभग अन्तिम चरणमा पुगेको छ।

समानुपातिक निर्वाचन प्रणालीतर्फ नेकपा (एमाले) को अग्रता कायमै रहेको छ। गणना भएको १ करोड ३ लाख ९२ हजार ९३४ सदर मतमा एमालेले २७ लाख ७९ हजार ८६ मत पाएको छ । दोस्रो स्थानमा रहेको नेपाली कांग्रेसले २६ लाख ४८ हजार ४१ मत ल्याएको छ ।

नेकपा (माओवादी केन्द्र) तेस्रो स्थानमा छ। माओवादी केन्द्रले ११ लाख ६१ हजार ४०८ मत पाएको छ। यस्तै, ११ लाख २१ हजार १५५ मतसहित राष्ट्रिय स्वतन्त्र पार्टी चौथो स्थानमा छ।

राष्ट्रिय प्रजातन्त्र पार्टी (राप्रपा) ५ लाख ८६ हजार २७ मतसहित पाँचौँ, जनता समाजवादी पार्टी (जसपा) ४ लाख २० हजार ९३८ मत पाउँदै छौटौँ स्थानमा छ ।

जनमत पार्टी ३ लाख ९४ हजार ३६८ मतसहित सातौँ, नेकपा (एकीकृत समाजवादी) २ लाख ९४ हजार ८३ मतसहित आठौँ, नागरिक उन्मुक्ति पार्टी २ लाख ७१ हजार ६५८ मत पाउँदै नवौँ, लोकतान्त्रिक समाजवादी पार्टी (लोसपा) १ लाख ६७ हजार २७८ मतसहित दशौँ स्थानमा छ।

यस्तो छ दलहुरुले पाएको समानुपातिक मत

नेपाल कम्युनिष्ट पार्टी (एमाले) - २७,७९,०७६

नेपाली काँग्रेस - २६,४८,०४१

नेपाल कम्युनिष्ट पार्टी (माओवादी केन्द्र) -११,६१,४०८

राष्ट्रिय स्वतन्त्र पार्टी -११,२१,१५५

राष्ट्रिय प्रजातन्त्र पार्टी - ५,८६,०२७

जनता समाजवादी पार्टी, नेपाल -४,२०,९३८

जनमत पार्टी -३,९४,३६८

नेपाल कम्युनिष्ट पार्टी (एकीकृत समाजवादी) -२,९४,०८३

नागरिक उन्मुक्ति पार्टी -२,७१,६५८

लोकतान्त्रिक समाजवादी पार्टी नेपाल -१,६७,२७८

नेपाल मजदुर किसान पार्टी - ७५,०४९