“अब देशमै छ रोजगारी” अभियान सार्वजनिक भएको छ । रोजगारी सर्भिस प्रा.लि. र युकेएड स्किल फर इम्प्लोइमेन्ट प्रोग्राम (सीप) को पहलमा अभियान सुरु भएको हो । अर्थ एवम संचारमन्त्री डा. युबराज खतिवडा अभियान सार्वजनिक गरेका हुन् ।
यस अभियानले कोरोना महामारीको कारण स्वदेश वा विदेशमा रोजगारी गुमेर बसेकालाई सिप अनुसारको रोजगारी दिने लक्ष्य राखेको छ । यसको लागि अभियानले रोजगारी नामको अनलाइन पोर्टल सुरु गरेको छ । वेबसाइटमा गई आफुलाई पायक पर्ने स्थानमा आफुले चाहेको काम छनौट गर्न सकिने अभियानले जनाएको छ ।
त्यस्तै कुनै संस्थालाई कर्मचारी आवश्यक परेको भए पनि यहि मार्फत आवश्यक सिप अनुसारको व्यक्ति चयन गर्न सकिने ब्यबस्था गरिएको युकेएड सीपका टिम लिडर बलजीत बोहोराले जानकारी दिए ।
