साउदी अरबस्थित नेपाली दूतावासले आगामी माघ ११ गतेदेखि मागपत्र प्रमाणीकरण शुरू गर्ने भएको छ । कोरोना महामारीका कारण करिव ७ महिनापछि साउदीस्थित नेपाली दुतावासले नयाँ मागपत्र प्रमाणीकरण सुरु गर्न लागेको हो ।
दूतावासले आइतबार एक सूचना जारी गर्दै मागपत्र प्रमाणीकरण सुरु गर्न लागेको जनाएको हो । दुतावासले साउदी सरकारले घोषणा गरेको श्रम सुधार योजना आगामी मार्च १४ बाट लागुहुने जनाएको छ ।
यसअघि साउदी सरकारले विदेशी श्रमिकलाई एउटै रोजगारदातासँग श्रम सम्झौता अवधिभर काम गर्नुपर्ने, साउदी छोड्दा रोजगारदाताको अनुमति आवश्यक पर्ने लगायतको नियम रहेको थियो । तर आगामी मार्चबाट उक्त कपला प्रणाली हटाइदैँ छ ।
दुतावासले नयाँ नियम आउन लागेको भन्दै मागपत्र प्रमाणीकरण भएपछि आउने कामदारहरु मार्च १४ पछिमात्र आउने व्यवस्था मिलाउन इजाजत पत्रवाला संस्थाहरूलाई आग्रह गरेको छ ।
