बैदेशिक रोजगार विभागले एक म्यानपावर कम्पनीमा छापा हानेको छ । अबैध रुपमा कतार प्रहरीमा पठाउन अन्तरवार्ता लिएको सूचनाका आधारमा विभागले त्रिभुवन अन्तराष्ट्रिय विमानस्थल अगाडीको कल्याण सेक्युरिटी सर्भिस प्रालिमा छापा हानेको हो ।
विभागले कतार प्रहरीका लागि अन्तरवार्ता लिइएका २२ जनाको शंकास्पद फारम बरामद गरेको छ । यसअघि विभागले कतार पुलिसका लागि मागको पूर्व स्वीकृति बिना नै अन्तर्वाता लिएका तीन वटा म्यानवावर कम्पनीलाई ६ महिना निलम्बन गरेकाे थियाे । निलम्बनमा पर्नेमा लाजिम्पाटमा रहेको होप इन्टरनेशनल प्रालि, धापासीमा रहेको एसओएस म्यानपावर सर्भिस प्रा.लि र गौरीघाटमा रहेको डीडी ह्युमन रिसोर्स प्रा.ली हुन् ।
