वैदेशिक रोजगार विभागले म्यानपावर कम्पनीलाई शाखा कार्यालय सञ्चालनको अनुमति दिने तयारी गरेको छ। व्यवसायीको मागअनुसार पहिलो चरणमा २९ वटा कम्पनीलाई शाखा खोल्न अनुमति दिने तयारी अन्तिम तयारीमा पुगेको विभागले जनाएको छ ।
‘हामीले शाखा कार्यालय सञ्चालन सम्बन्धी मापदण्ड तयार पारिसकेका छौं, अब छिट्टै शाखा कार्यालय सञ्चालनको अनुमति दिन्छौँ’, विभागका महानिर्देशक कुमारप्रसाद दाहालले भने ।
विभागले व्यवसायीको पक्षमा काम नगरेको भन्दै म्यानपावर व्यवसायीले शाखा कार्यालय सञ्चालनको अनुमति पाँउनुपर्ने लगायतका २१ बुदे माग राख्दै विभाग केन्द्रीत आन्दोलन गर्दै आएका छन् ।
व्यवसायीको समस्या समाधानका लागि विभागले गठन गरेको कार्यदलको बैंठक आज बस्दैछ।
