कोरोना महामारीको बीचमा एक महिनामा करिब १८ हजार नेपाली श्रमिक रोजगारीका लागि विदेशिएका छन् । वैदेशिक रोजगार विभागको तथ्यांक अनुसार माघ महिनामा १७ हजार ८ सय ८७ नेपाली श्रमिक रोजगारीका लागि बाहिरएका छन् । जसमा १६ हजार ४३६ पुरुष र एक हजार ४ सय ५१ महिला रोजगारीको लागि विभिन्न देश गएका हुन् ।
खाडीका देश मध्येमा माघ महिनामा सबैभन्दा धेरै श्रमिक युएई गएका छन् । जसमध्येमा ४ हजार ५ सय ४९ पुरुष र ६ सय ५९ महिला गरी ५ हजार २ सय ८ जना रहेका छन् । पछिल्लाे समय युएई, साउदी अरब, कतार, ओमान, बहराइन, कुवेत, मलेसिया लगायतका देशहरु नेपाली श्रमिककाे रोजाइमा पर्ने गरेकाे छ ।
