ठगी आरोपमा मन्त्रीको भतिजो पक्राउ

बिजपाटी संवाददाता

बिजपाटी संवाददाता

Jun 21, 2024 | 05:27:29 PM मा प्रकाशित

माल्टा पठाइदिन्छु भन्दै झन्डै ५० लाख रुपैयाँ जति ठगी गरेको आरोपमा एकीकृत समाजवादी पार्टी निकट युवा केशवराज जोशी पक्राउ परेका छन् । उनी संघीय मामिला तथा सामान्य प्रशासन मन्त्री भानुभक्त जोशीको भतिजो हुन् ।

वैदेशिक रोजगार विभागमा जोशीविरुद्ध उजुरी परेपछि पक्राउ पुर्जी जारी भएको थियो । त्यसपछि काठमाडौं उपत्यका अपराध अनुसन्धान कार्यालयको टोलीले उनलाई पक्राउ गरेको हो ।

उनले माल्टामा प्रतिष्ठित होटलमा मासिक चारपाँच लाख रुपैयाँ तलब हुने गरी पठाइदिन्छु भनेर पाँच/छ जनाबाट पचास लाख रुपैयाँ लिएको आरोप छ । 

 पक्राउ परेका जोशीलाई थप अनुसन्धान तथा कारवाहीको लागि वैदेशिक रोजगार विभाग ताहाचल पठाइएको छ ।

Share Your Thoughts

Recent News

Main News

Close in 7


Bizpati.com © 2020. All Rights Reserved