.gif)
नेपाल वैदेशिक रोजगार व्यवसायी संघले श्रम, रोजगार तथा सामाजिक सुरक्षा मन्त्री शरतसिहं भण्डारीलाई ज्ञापन पत्र बुझाएको छ । संघले हवाई भाडामा कालो बजारी भएको भन्दै मन्त्री भण्डारीलाई पत्र बुझाएको हो ।
नेपालबाट बैदेशिक रोजगारमा जाने श्रमीकहरुले अत्यन्त महङगो दरमा हवाई टिकट खरिद गर्नु परेको र हवाई कम्पनीहरुले दिनदिनै भाडा बृद्धि गरेकोले यस तर्फ संघले मन्त्री भण्डारीलाई ध्यानाकर्षण गराएको हो ।
“नेपालबाट मलेसिया र मध्यपूर्वका गन्तव्य मुलुकमा दैनिक रुपमा १५०० कामदार बैदेशिक रोजगारमा गएका कारण एयरलाइन्सहरुको व्यापार बृद्धि भएको सवैलाई अवगत नै छ, तथापी केहि सिमित एयरलाइन्सहरुको मिलेमतोमा कृतिम अभाव खडा गरी कालोबजारी गरेकाले अस्वभाविक रुपमा टिकटको मुल्य बृद्धि गरेर टिकटमा सिण्डिकेट गर्ने र पर्यटक आउने मुख्य समयमा अन्तराष्ट्रिय बिमानस्थललाई स्तरउन्तनीको बाहानमा दैनिक १० घण्टा बन्द गरिएको कारण देखाउदै हवाई कम्पनीहरुले समान्यत रु ३० देखि ३५ हजार रुपैयामा नियमित पाउने टिकटलाई अहिले ७० देखि ८० हजार रुपैया पुऱ्याई दोब्बर मुल्यको टिकटमा कामदार जान बाध्य भएकोले उक्त कालो बजारीलाई रोकेर सस्तो र सुलभ एवम् नियमीत टिकटको मुल्यमा कामदार जान पाउने व्यवस्था नगरिएमा श्रमिकहरु वैदेशिक रोजगारीमा जान नपाउने भएकाले वैदेशिक रोजगारीको अवसर समेत गुम्ने र यसले बिदेशि मुद्राको सञ्चिति साथै राष्ट्रिय अर्थतन्त्रमा समेत नकारात्मक असर पर्ने विषयमा माननिय मन्त्रीज्यूलाई अवगत गराइन्छ,” संघद्धारा मन्त्रीलाई ज्ञापन गरिएको पत्रमा उल्लेख गरिएको छ ।
