हाइड्रो इलेक्ट्रिसिटी इन्भेष्टमेन्ट एन्ड डेभलपमेन्ट कम्पनी (एचआइडिसिएल) ले २५ मेगावाटको सेती नदी जलविद्युत् आयोजनामा लगानी गर्ने भएको छ । आयोजनामा लगानी गर्ने सम्झौतामा दुवै पक्षबीच आज शुक्रबार सम्झौता भएको छ ।
सम्झौतामा एचआइडिसिएलको तर्फबाट प्रमुख कार्यकारी अधिकृत छवीराज पोखरेल र आयोजनाको तर्फबाट अध्यक्ष जगत पोखरेलले हस्ताक्षर गरेका छन् ।
सम्झौता अनुसार आयोजनामा कूल स्वपुँजी मध्ये एचआइडिसिएलले १८.५२ प्रतिशत अर्थात २० करोड रुपैँया लगानी गर्ने छ।