सरकारले वर्षा याममा मासिक ५० युनिट र हिउँद याममा मासिक ३० युनिटसम्म बिजुली खपत गर्ने उपभोक्तालाई निःशुल्क विद्युत उपलब्ध घोषणा गरेको छ ।
राष्ट्रपति रामचन्द्र पौडेलले आगामी आर्थिक वर्षको नीति तथा कार्यक्रम सार्वजनिक गर्दै विद्युत खपत बढाउने भन्दै वर्षामा ५० युनिट र हिउँदमा ३० युनिटसम्म बिजुली खपत गर्ने उपभोक्तालाई निशुल्क विद्युत उपलब्ध गराउने घोषणा गरेका हुन् ।
बिजुलीको खपत बढाउन खाना पकाउने ग्यासको विस्थापन गर्दै विद्युतीय चुल्होको प्रयोगलाई प्रोत्साहन गरिने राष्ट्रपति पौडेलको घोषणा छ ।
