काठमाडौंको दरबारमार्गस्थित दरबार मलमा ‘दरबार सिनेम्याक्स’ सञ्चालनमा आएको छ । गुण ग्रुपले नयाँ वर्षको अवसर पारेर ‘दरबार सिनेम्याक्स’ लक्जरियस हल सञ्चालनमा ल्याएको हो ।
दरबार सिनेम्याक्सका प्रबन्ध निर्देशक दिप्रश शाक्यका अनुसार दरबार सिनेम्याक्स सिनेमाहलको व्यवस्थापन क्यूएफएक्सले गरेको हो । हल भित्र ५३ जना र ५० जना अट्ने २ वटा हल छन् ।
२ वटै हलमा अत्याधुनिक साउण्ड सिस्टम स्क्रिनसहित खाना र खाजाको बार पनि छ । दर्शकले आफू बसेकै सिटबाट खाना अर्डर गर्न सक्ने छन् ।
सिनेमा हेर्दै मदिरा पिउनेहरुका लागि भित्रै छुट्टै बारको पनि व्यवस्था गरिएको छ । हलमा विहान ७ः४५ देखि राती ९ः४५ बजेसम्म ९ वटा शो देखाइने छ ।
हलको टिकट १ हजार रुपैयाँदेखि १२ सय रुपैयाँसम्म तोकिएको छ ।
