एनआईसी एशिया बैंक NIC Asia Bank Limited ले बेलायत, अष्ट्रेलिया लगायतका देशहरूमा बसोबास गर्ने नेपालीको लागि दशैंको अवसरमा वल्र्ड रेमिटमार्फत रकम पठाउँदा खातामा ४०० बोनस रकम उपलब्ध गराउने योजना ल्याएको छ ।
असोज ११ देखि कार्तिक १० सम्म लागू हुने यस योजनाबाट डिजिटल कारोबारमा सहयोग पुग्ने विश्वास बैंकले लिएको छ । ४०० बोनस रकम योजना अवधिभर पहिलोपटक गरिएको कारोबारमा मात्र लागू हुने बैंकले जनाएको छ ।
वल्र्ड रेमिटको वेबसाइट तथा एपमार्फत विदेशमा रहेका नेपालीले स्वदेशमा रहनुभएका आफ्ना परिवार तथा आफन्तजनलाई जुनसुकै बेला रकम पठाउन सक्नेछन् ।
एनआईसी एशिया बैंकले हाल ३५६ शाखा, ४७२ एटिएम, ७० वटा विस्तारित काउन्टर एवं ८१ वटा शाखारहित बैंकिङ्गमार्फत् बैंकिङ्ग सेवा प्रदान गर्दै आएको छ ।