समृद्धि फाइनान्सले हेटौडा, पुतलीसडक र बुटवलमा शैक्षिक सामाग्री वितरण गरेको छ । फाइनान्सले हेटौडा उ.म.न.पा.वडा न.१ मा रहेको श्री अमर माध्यमिक बिधालय, काठमाडौँको महाराजगंजमा रहेको शिवपुरी उच्च माध्यमिक बिधालय र बुटवल वडा न.११ मा रहेको श्री मायादेवी जनजागृति आधारभूत बिधालयमा शैक्षिक सामाग्री वितरण गरेको हो।
यस कार्यक्रम अन्तर्गत २७० जना बिधार्थीहरुलाई १,३५० थान कापी र २७० थान पेन वितरण भएको यस संस्थाका का.मु. प्रमुख व्यवसाय प्रवद्र्धन अधिकृत सुरज कुमार सर्राफले जानकारी दिए । फाइनान्सले श्रावण २५ गते नारायणगढ भ.म.न.पा.वडा न.१ मा रहेको श्री राष्ट्रिय आधारभूत बिधालय र पोखरा वडा न. २१ मा रहेको श्री बयाली आधारभूत बिधालयमा पनि शैक्षिक सामाग्री वितरण गरेको छ।
फाइनान्सले समय समयमा संस्थागत सामाजिक उत्तरदायीत्व अन्तरगत विभिन्न कार्यहरु गर्दै आएको जनाएको छ । फाइनान्सले हाल पाँच ओटा शाखाबाट सेवा प्रवाह गर्दै आएको र शाखा सञ्जाल विस्तार गर्दै चाँडै नै जनकपुर, इटहरी र बनेपामा पनि शाखा सञ्चालन हुने जनाएको छ ।