कर्मचारी संचय कोषले वित्तीय अवस्थाको अपरिस्कृत विवरण सार्वजनिक गरेको छ । कोषले २०७७ असार ३१ सम्मको विवरण सार्वजनिक गरेको हो ।
जस अनुसार कोषले सो अवधिसम्म शेयरमा २१ अर्ब १४ करोड रहेको उल्लेख गरेको छ । अघिलू वर्षको यहि अवधिसम्ममा कोषको शेयरमा लगानी २२ अर्ब ९७ करोड रहेको थियो ।
त्यस्तै कोषले विभिन्न बैंक तथा वित्तीय संस्थामा १ खर्ब ७ अर्ब रकम मौज्दात रहेको उल्लेख गरेको छ । अघिल्लो वर्षको यहि अवधिमा कोषको बैंक मौज्दात ७८ अर्ब ७८ करोड थियो ।
त्यस्तै कोषले विभिन्न परियोजना र संगठित सस्थाहरुलाई ६१ अर्ब ६६ करोड सापटी दिएको, कर्मचारीलाई १ अर्ब ८१ करोड कर्जा सापटी दिएको र संचयकर्तालाई १ खर्ब ९१ अर्ब कर्जा तथा सापटी दिएको उल्लेख गरेको छ ।