.gif)
आन्तरिक राजश्व विभागले आगामी वर्ष २०७८/७९ का लागि एकल व्यक्ति र दम्पत्तिकाे आय अनुसार लाग्ने आयकरको दरको विवरण सार्वजनिक गरेको छ । विभागले २०७८ साउन १ गतेदेखि करयोग्य आयमा लागु हुने करको दर सार्वजनिक गरेको हो।
जस अनुसार एकल व्यक्तिका हकमा ४ लाख सम्म करयोग्य रकम आय भएकालाई १ प्रतिशतका दरले कर लाग्ने छ । त्यस्तै ४ लाख ५० हजार सम्म करयोग्य आय भएका दम्पत्तिका लागि पनि १ प्रतिशत नै कर लाग्ने बताइएको छ ।
विभागका अनुसार रु.४ लाख सम्म आय भएका एकल व्यक्तिका लागि ४ हजार कर लाग्छ भने ४ लाख भन्दा माथी र ५ लाख सम्म करयोग्य रकम आय भएकाको लागि १० प्रतिशत कर लाग्ने विभागले जनाएको छ । त्यस्तै, ४ लाख ५० हजार सम्म आय भएका दम्पत्तिका लागि ४ हजार ५ सय र त्यस भन्दा माथी रु.५ लाख ५० हजार सम्मको रकममा १० प्रतिशतका दरले कर लाग्ने छ ।
त्यसैगरि, रु.५ लाख सम्म आए भएका एकल व्यक्तिको हकमा १४ हजार कर लाग्छ भने ५ लाख भन्दा माथी ७ लाख सम्मको रकममा २० प्रतिशतका दरले कर लाग्दछ । त्यस्तै, ५ लाख ५० हजार सम्म आय भएका दम्पत्तिको हकमा १४ हजार ५ सय कर लाग्छ भने त्यस भन्दा माथी ७ लाख ५० हजार सम्म करयोग्य रकम आय भएकालाई २० प्रतिशतका दरले कर लाग्ने छ ।
एकल व्यक्तिको हकमा रु.७ लाख सम्म आए भएमा ५४ हजार कर लाग्छ भने ७ लाख देखि २० लाख सम्मको रकममा ३० प्रतिशतका दरले कर लाग्दछ । त्यस्तै, ७ लाख ५० हजार सम्म आय भएका दम्पत्तिको हकमा ५४ हजार ५ सय कर लाग्छ भने त्यस भन्दा माथी २० लाख सम्म करयोग्य रकम आय भएकालाई ३० प्रतिशतका दरले कर लाग्ने विभागले जनाएको छ ।
त्यस्तै, २० लाख सम्म आए भएका एकल व्यक्तिका हकमा ४ लाख ४४ हजार कर लाग्छ भने २० लाख भन्दा बढि रकम आए भएमा ३६ प्रतिशतका दरले कर लाग्छ । दम्पत्तिका हकमा २० लाख सम्म आय भएमा ४ लाख २९ हजार ५ सय कर लाग्छ भने २० लाख भन्दा बढि करयोग्य रकम आय भएकालाई ३६ प्रतिशतका दरले कर लाग्ने विभागले जनाएको छ । यो रोजगारीको आय मात्र हुनेको लागि तोकिएको करको दर हो ।
