.gif)
याहुले याहु ग्रुप्स सदाको लागि बन्द गर्ने घोषणा गरेको छ। याहुले आगामी डिसेम्बर १५ देखि याहु ग्रुप्स सदाको लागि बन्द हुने जनाएको हो ।
याहु ग्रुप्सको प्रयोगकर्ता घट्दै गएको र दिर्घकालिन रुपमा कम्पनीको रणनीतिसँग यसले मेल नखाने भएकोले सेवा बन्द गर्न लागिएको याहुले जनाएको छ । जस अनुसार अक्टोबर १२ देखि नयाँ ग्रुप्स खोल्ने नमिल्ने भएको छ भने डिसेम्बर १५ देखि वेबसाइट खुल्ने छैन र ग्रुप्सबाट इमेल आदान प्रदान हुन सक्ने छैन ।
यद्यपि ग्रुप्सबाट पठाईएका र ग्रुप्समा आएका मेलहरु हेर्न सकिने याहुले जनाएको छ । याहुले यो सेवा प्रयोग गरिरहेका ग्राहकलाई अन्य सेवा प्रदायकको सेवा लिन आग्रह गरेको छ । याहुले ग्रुप्सका एडमिनहरुले याहु ग्रुप्समा रहेका सदस्यहरुको मेल लिस्ट एकमुस्ट रुपमा एक्सपोर्ट गर्न सकिने सुविधा दिने भएको छ ।
यद्यपि याहुको मेल प्रयोगकर्तालाई भने यसले कुनै असर नगर्न याहुले स्पष्ट पारेको छ। याहुले भनेको छ 'याहु ग्रुप्स मात्र बन्द हुन लागेको हो, याहुको मेल अर्थात याहुमेल अहिले जस्तै नै चलिरहने छ' ।
