मुख्यमन्त्रीसँग प्रधानमन्त्रीको कुराकानीः सर्वदलीय संयन्त्र चाहिँदैन, लकडाउन तत्काल खुल्दैन

बिजपाटी सम्बाददाता

बिजपाटी सम्बाददाता

Apr 11, 2020 | 05:30:07 PM मा प्रकाशित

sarbottam cement

प्रधानमन्त्री केपी शर्मा ओलीले कोरोना भाइरसको महामारीविरुद्धको अभियानमा सरकार नै पर्याप्त रहेको भन्दै छुट्टै संयन्त्र आवश्यक नरहेको प्रष्ट पारेका छन् । सातै प्रदेशका मुख्यमन्त्रीहरुसँगको भिडियो कन्फरेन्समा प्रधानमन्त्रीले सरकारले नै प्रभावकारी रुपमा काम गरिरहेको भन्दै अर्को संयन्त्र आवश्यक नरहेको बताएका हुन् । 

‘१५ दिन घरमा बस्दै बीच बीचमा निर्देशन दिएजस्तो गर्ने अर्को कुनै संयन्त्रको आवश्यकता छैन’ प्रधानमन्त्री भने, ‘अहिलेका लागि सरकार नै पर्याप्त छ ।’ 

नेकपाका अर्का अध्यक्ष पुष्पकमल दाहाल प्रचण्डले एक टेलिभिजन अन्तरवार्तामा कोरोना भाइरसविरुद्द लड्न सरकारी संयन्त्र मात्रै पर्याप्त नरहेको भन्दै सर्वदलीय संयन्त्र आवश्यक रहेको बताएका थिए ।

यसैबीच भिडियो कन्फ्रेन्समा प्रधानमन्त्री ओलीले लकडाउन तत्काल अन्त्य नहुनेसमेत बताएका छन् । छिमेकी मूलुक भारतमा संक्रमण फैलिने क्रम बढिरहेको वर्तमान अवस्थामा लकडाउन खुला गर्न नमिल्ने प्रधानमन्त्री ओलीको भनाई छ । 

सीमा नाकामा झन कडाइ गर्नुपर्ने अवस्था आएको उल्लेख गर्दै प्रधानमन्त्रीले लापरबाही नगर्न मुख्यमन्त्रीहरुलाई निर्देशनसमेत दिएका छन् । 

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved