ह्वात्तै घट्यो सुनको भाउ, कतिमा हुँदैछ कारोबार ?

तिहारपछि कारोबार भएको पहिलो दिन सुनको भाउ घटेको छ । कार्तिक ८ गते ७१ हजार रुपैयाँमा कारोबार भएको छापावाला सुनको भाउ आज बिहिबार ५ सय रुपैयाँले घटेर ७० हजार ५ सयमा झरेको छ । 

आज तेजावी सुन पनि तोलामा ५ रुपैयाँले घटेर ७० हजार २ सय रुपैयाँमा कारोबार भईरहेको छ । चाँदीको भाउ आज स्थिर छ । चाँदी गत ८ कार्तिककै भाउ अर्थात् तोलाको ८६० रुपैयाँमा कारोबार भईरहेको छ । 

नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ६० हजार ४४५, प्रति १० ग्राम तेजावी सुनको मूल्य ६० हजार १९० र प्रति १० ग्राम चाँदीको मूल्य ७३७ रुपैयाँ ५० पैसा कायम गरेको छ ।