.gif)
साताको पहिलो दिन आज आइतबार सुन चाँदीको भाउ बढेको छ । शुक्रबार तोलाको ९४ हजार ८ सय रुपैयाँमा कारोबार भएको छापावाला सुनको भाउ आज तोलामा ८ सय रुपैयाँले बढेर ९५ हजार ६ सय रुपैयाँ पुगेको हो । तेजावी सुन पनि आज तोलामा ८ सय रुपैयाँले नै बढेर ९५ हजार १ सय रुपैयाँ पुगेको छ ।
चाँदीको भाउ पनि आज ४० रुपैयाँले वृद्धि भएको छ । चाँदी आज तोलामा १२ सय ३५ रुपैयाँ कारोबार भैरहेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ८१ हजार ९६० रुपैयाँ, प्रति १० ग्राम तेजावी सुनको मूल्य ८१ हजार ५३० रुपैयाँ र प्रति १० ग्राम चाँदीको मूल्य १ हजार ५९ रुपैयाँ कायम गरेको छ ।
