.gif)
आज सोमबार सुन चाँदीको भाउ बढेको छ । आइतबार तोलाको ९४ हजार ३ सय रुपैयाँमा कारोबार भएको छापावाला सुनको भाउ आज तोलामा ९ सय रुपैयाँले बढेर ९५ हजार २ सय रुपैयाँ पुगेको हो । तेजावी सुन पनि आज तोलामा ९ सय रुपैयाँले नै बढेर ९४ हजार ७ सय रुपैयाँ पुगेको हो ।
चाँदीको भाउ पनि ४० रुपैयाँले बढेको छ । चाँदी आज तोलाको १३ सय २० रुपैयाँमा कारोबार भैरहेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ८१ हजार ६२० रुपैयाँ, प्रति १० ग्राम तेजावी सुनको मूल्य ८१ हजार ११९ रुपैयाँ र प्रति १० ग्राम चाँदीको मूल्य १ हजार १३१ रुपैयाँ ५० पैसा कायम गरेको छ ।
