मंगलबार सुनको भाउमा भारी गिरावट आएको छ । सोमबार तोलाको ८८ हजार ७ सय रुपैयाँ प्रतितोलामा कारोबार भएको छापावाला सुनको भाउ आज तोलामा एकै पटक १ हजार ७ सय रुपैयाँले घटेर ८७ हजार रुपैयाँमा झरेको हो । तेजावी सुनको भाउ पनि आज तोलामा १ हजार ७ सयले नै घटेर ८६ हजार ५५० रुपैयाँ प्रतितोलामा आईपुगेको छ ।
चाँदीको भाउ आज तोलामा ४० रुपैयाँले घटेर तोलाको १२ सय ९० रुपैयाँमा आईपुगेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ७४ हजार ५९० रुपैयाँ, प्रति १० ग्राम तेजावी सुनको भाउ ७४ हजार २०५ रुपैयाँ र प्रति १० ग्राम चाँदीको भाउ ११ सय ६ रुपैयाँ कायम गरेको छ ।
