आज बिहिबार सुनको भाउ बढेको छ । बुधबार तोलाको ८६ हजार ९ सय रुपैयाँमा कारोबार भएको छापावाला सुनको भाउ आज तोलामा ३ सय रुपैयाँले बढेर ८७ हजार २ सय रुपैयाँ पुगेको छ । यस्तै तेजाबी सुन पनि तोलामा ३ सयले नै बढेर ८६ हजार ७५० रुपैयाँ पुगेको छ ।
आज चाँदीको भाउ पनि तोलामा २० रुपैयाँले बढेर १२ सय ९० रुपैयाँ पुगेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ७४ हजार ७६० सय रुपैयाँ, प्रति १० ग्राम तेजावी सुनको भाउ ७४ हजार ३७५ रुपैयाँ र प्रति १० ग्राम चाँदीको भाउ ११ सय ६ रुपैयाँ कायम गरेको छ ।