आज आइतबार सुनको भाउ घटेको छ । शुक्रबार तोलाको ८९ हजार ९ सय रुपैयाँमा कारोबार भएको छापावाला सुनको भाउ आज तोलामा एकैपटक ४ सय रुपैयाँले घटेर ८९ हजार ५ सय रुपैयाँ पुगेको छ । यस्तै तेजाबी सुन पनि तोलामा ४ सयले नै घटेर ८९ हजार ५० रुपैयाँमा पुगेको छ ।
आज चाँदीको भाउ पनि तोलामा ५ रुपैयाँले घटेर १२ सय ७५ रुपैयाँमा कारोबार भईरहेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ७६ हजार ७३० रुपैयाँ, प्रति १० ग्राम तेजावी सुनको भाउ ७६ हजार ३४५ रुपैयाँ र प्रति १० ग्राम चाँदीको भाउ १ हजार ९३ रुपैयाँ कायम गरेको छ ।