आज बुधबार सुनको भाउ बढेको छ । मंगलबार तोलाको ९० हजार ६ सय रुपैयाँमा कारोबार भएको छापावाला सुनको भाउ आज ६ सय रुपैयाँले बढेर तोलाको ९१ हजार २ सय पुगेको छ ।
तेजाबी सुनको भाउ पनि आज तोलामा ६ सय रुपैयाँले नै बढेर ९० हजार ७ सय पुगेको छ ।
आज चाँदीको भाउ भने तोलाको १२ सय रुपैयाँमा स्थिर छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ७८ हजार १९० रुपैयाँ, प्रति १० ग्राम तेजावी सुनको भाउ ७७ हजार ७६० रुपैयाँ र प्रति १० ग्राम चाँदीको भाउ १ हजार २९ रुपैयाँ कायम गरेको छ ।