आज मंगलबार सुनको भाउ घटेको छ । सोमबार तोलाको ८९ हजार ३ सय रुपैयाँमा कारोबार भएको छापावाला सुनको भाउ आज तोलामा ३ सय रुपैयाँले घटेर ८९ हजारमा आईपुगेको हो ।
तेजाबीको भाउ पनि आज तोलामा ३ सयले नै घटेर ८८ हजार ५५० रुपैयाँमा कारोबार भईरहेको छ ।
आज चाँदीको भाउ भने तोलामा ५ रुपैयाँले घटेर ११ सय ५५ रुपैयाँमा झरेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ७६ हजार ३०५ रुपैयाँ, प्रति १० ग्राम तेजावी सुनको भाउ ७५ हजार ९२० रुपैयाँ र प्रति १० ग्राम चाँदीको भाउ ९९० रुपैयाँ कायम गरेको छ ।
