आज मंगलबार सुनको भाउ बढेको छ । सोमबार तोलाको ८९ हजार ८ सयमा कारोबार भएको छापावाला सुनको भाउ आज तोलामा ५ सय रुपैयाँले बढेर ९० हजार ३ सय रुपैयाँ पुगेको छ ।
तेजाबी सुनको भाउ पनि आज तोलामा ५ सयले नै बढेर ८९ हजार ८५० रुपैयाँमा किनबेच भईरहेको छ ।
आज चाँदीको भाउ भने तोलाको ११ सय ६० रुपैयाँमा स्थिर छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ७७ हजार ४२० रुपैयाँ, प्रति १० ग्राम तेजावी सुनको भाउ ७७ हजार ३५ रुपैयाँ र प्रति १० ग्राम चाँदीको भाउ ९९४ रुपैयाँ ५० पैसा कायम गरेको छ ।
