आज मंगलबार सुनको भाउ घटेको छ । सोमबार तोलाको ९२ हजारमा कारोबार भएको छापावाला सुनको भाउ आज तोलामा १ सय रुपैयाँले घटेर ९१ हजार ९ सयमा आईपुगेको हो ।
तेजाबी सुनको भाउ पनि तोलामा १ सयले नै घटेर ९१ हजार ४ सयमा झरेको छ ।
आज चाँदीको भाउ भने तोलामा १५ रुपैयाँले घटेर तोलाको १२ सय ५ रुपैयाँमा आएको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ७८ हजार ७९० रुपैयाँ, प्रति १० ग्राम तेजावी सुनको भाउ ७८ हजार ३६० रुपैयाँ र प्रति १० ग्राम चाँदीको भाउ १ हजार ३३ रुपैयाँ कायम गरेको छ ।