आज बुधबार सुनको भाउ बढेको छ । मंगलबार तोलाको ९४ हजारमा कारोबार भएको छापावाला सुनको भाउ आज तोलामा ४ सयले बढेर प्रतितोला ९४ हजार ४ सय रुपैयाँ पुगेको छ ।
तेजाबी सुनको भाउ पनि तोलामा ४ सयले नै बढेर प्रतितोला ९३ हजार ९ सयमा कारोबार भईरहेको छ ।
आज चाँदीको भाउ भने तोलाको १३ सय रुपैयाँमा स्थिर छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ८० हजार ९३५ रुपैयाँ, प्रति १० ग्राम तेजावी सुनको भाउ ८० हजार ५०५ रुपैयाँ र प्रति १० ग्राम चाँदीको भाउ ११ सय १४ रुपैयाँ ५० पैसा कायम गरेको छ ।
