हिजो मंगलबार एकैदिन तोलामा १८ सय रुपैयाँले घटेको सुनको भाउ आज बुधबार पनि घटेको छ । मंगलबार तोलाको ९७ हजार १ सय रुपैयाँमा कारोबार भएको छापावाला सुनको भाउ आज तोलामा ६ सय रुपैयाँले घटेर प्रतितोला ९६ हजार ५ सय रुपैयाँमा झरेको छ ।
आज तेजाबी सुनको भाउ पनि प्रतितोला ६ सय रुपैयाँले नै घटेर ९६ हजार रुपैयाँमा आईपुगेको छ ।
आज चाँदीको भाउ भने प्रतितोला १ हजार २४५ रुपैयाँमा स्थिर छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ८२ हजार ७३५ रुपैयाँ, प्रति १० ग्राम तेजाबी सुनको मूल्य ८२ हजार ३०५ रुपैयाँ र प्रति १० ग्राम चाँदीको मूल्य १ हजार ६७ रुपैयाँ ५० पैसा कायम गरेको छ ।
