आज आइतबार सुनको भाउ बढेको छ । शुक्रबार तोलाको ९३ हजार १ सय रुपैयाँमा कारोबार भएको छापावाला सुनको भाउ आज तोलामा १ हजार ४ सय रुपैयाँले बढेर प्रतितोला ९४ हजार ५ सय रुपैयाँ पुगेको छ ।
त्यस्तै आज तेजाबी सुनको भाउ पनि प्रतितोला १ हजार ४ सय रुपैयाँले नै बढेर तोलाको ९४ हजार रुपैयाँमा कारोबार भइरहेको छ ।
आज चाँदीको भाउ तोलामा ५० रुपैयाँले बढेर प्रतितोला १ हजार २७५ रुपैयाँमा किनबेच भइरहेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ८१ हजार २० रुपैयाँ, प्रति १० ग्राम तेजाबी सुनको मूल्य ८० हजार ५ सय ९० रुपैयाँ र प्रति १० ग्राम चाँदीको मूल्य १ हजार ९३ रुपैयाँ कायम गरेको छ ।