आज आइतबार सुनको भाउ बढेको छ । शुक्रबार तोलाको ९५ हजा ७ सय रुपैयाँमा कारोबार भएको छापावाला सुनको भाउ तोलामा १ हजार ६ सय रुपैयाँले बढेर तोलाको ९७ हजार ३ सय रुपैयाँमा कारोबार भइरहेको छ ।
त्यस्तै आज तेजाबी सुनको भाउ पनि प्रतितोला १ हजार ६ सय रुपैयाँले नै बढेर तोलाको ९६ हजार ८ सय रुपैयाँ पुगेको छ ।
आज चाँदीको भाउ तोलामा ५ रुपैयाँले बढेर प्रतितोला १ हजार ३ सय रुपैयाँ कायम भएको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ८३ हजार ४ सय २० रुपैयाँ, प्रति १० ग्राम तेजाबी सुनको मूल्य ८२ हजार ९ सय ९० रुपैयाँ र प्रति १० ग्राम चाँदीको मूल्य १ हजार १ सय १४ रुपैयाँ ५० कायम गरेको छ ।