.gif)
घरेलु बजारमा पहेंलो धातु सुनको मूल्य घटेको छ । केहि सातादेखि सुनको मूल्य निरन्तर बढेर कीर्तिमानी उचाई कायम गर्दै आएको थियो । मंगलबार सुनको मूल्य तोलामा ६०० रुपैयाँ घटेको हो ।
नेपाल सुनचाँदी व्यवसायी महासंघका अनुसार यो दिन छापावाला सुनको मूल्य ६००रुपैयाँले घटर प्रतितोला १ लाख ५६ हजार ७०० रुपैयाँ कायम भएको छ ।
अघिल्लो दिन भने छापावाला सुनको मूल्य प्रतितोला १ लाख ५७ हजार ३००रुपैयाँ थियो । त्यसैगरी, यो दिन चाँदीको मूल्य पनि घटेको छ । चाँदीको मूल्य १० रुपैयाँले घटेर प्रतितोला १ हजार ९०५ रुपैयाँ कायम भएको छ । यसैगरी,महासंघका अनुसार आज प्रति १० ग्राम छापावाल सुनको मूल्य १ लाख ३४ हजार ३४५रुपैयाँ कायम भएको छ । त्यस्तै प्रति १० ग्राम चाँदीको मूल्य १ हजार ६३३ रुपैया कायम भएको छ ।
