.gif)
साताको पहिलो कारोबार दिन आइतबार नेपाली बजारमा सुनको भाउ थोरैले घटेको छ । आज बजारमा सुनको मूल्य तोलामा ५ सय रुपैयाँले ओरालो लागेको हो।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रति तोला एक लाख ६६ हजार रुपैयाँमा कारोबार भईरहेको छ।
अघिल्लो कारोबार दिन शुक्रबार छापावाला सुन प्रतितोला १ लाख ६६ हजार ५ सय रुपैयाँमा कारोबार भएको थियो।
त्यसैगरी, यो दिन चाँदीको मूल्य पनि तोलामा २० रुपैयाँले घटेको छ । आज चाँदीको मूल्य प्रतितोला १ हजार ९ सय ६० रुपैयाँमा कारोबार भइरहेको छ । अघिल्लो कारोबार दिन शुब्रबार चाँदी १ हजार ९ सय ८० रुपैयाँमा कारोबार भएको थियो ।
यसैगरी, यो दिन प्रति १० ग्राम सुनको मूल्य १ लाख ४२ हजार ३ सय २० रुपैयाँ र प्रति १० ग्राम चाँदीको मूल्य १ हजार ६ सय ८० रुपैयाँ ५० पैसा कायम भएको छ ।
