चीन सरकारले सहयोग स्वरुप दिएको १८ हजार थान अक्सिजन सिलिण्डर तातोपानी नाकामा आईपुगेको छ । कोभिड–१९ संकट व्यवस्थापन केन्द्र (सीसीएमसी) का संयोजकसमेत रहेका उपप्रधानमन्त्री इश्वर पोखरेलका प्रेस सल्लाहकार गणेश पाण्डेका अनुुसार तातोपानी नाका आईपुगेको १८ हजार अक्सिजन सिलिण्डर काठमाडौँ ल्याउने तयारी भईरहेको छ ।
उपप्रधानमन्त्री पोखरेलले जतिसक्दो चाँडो ति सिलिण्डर काठमाडौँ ल्याईपुर्याउन पहल गरिरहेका छन् ।
कुटनीतिक रुपमा पहललाई तीव्रता दिएका उनले यसअघि अमेरिकी राजदूतसँग पनि छलफल गरिसकेका छन् ।
